Mizo Elite News hi ṭha i tihzawng a nih chuan min lo Follow dawn nia

Donald Trump Chuan Damdawiin A Chhuahsan, “Covid Hi Hlau Suh U” Tiin A Mite A Thlamuan

US President, Donald Trump chuan Covid19 a vei tih puangin khawvel a luah hneh a, insawiselna neuh neuh a neih hnu ah damdawiin ah a lut zui nghal rum rum.

Mahsela Trump hi damdawiin ah hian a chambang rei lo khawp. October 5 (Thawhṭanni) khan enkawlna a dawn na Walter Reed military hospital a chhuahsan leh tawh.

Trump hian Walter Reed military hospital aṭanga a chhuah hnu hian a chenna White House ah a kir leh nghal a, White House a thlen hnu hian Trump chuan a hmai tuamna Face Mask a hlip thla nghal hmak bawk.

A Face Mask a pawtthla lai tak thlalak hi a lar zui leh nasa mai. Twitter ah te mitam tak in President khawsak dan hi chaw tui berah an nei a, sawi zui a hlawh leh viau bawk.

Walter Reed a chhuahsan hnu ah Twitter ah thil a sawi nual. “Covid hi hlau reng reng suh u” tiin a mite hnen ah thlamuanna thu a sawi. A khua leh tui American mi nuai chuang zo zai an thi tawh chung pawh in Trump hian Covid19 hi ala ngam nasa mai. Hlauh a hnek in hlau lo turin ala hrilh hre zawk cheu.

Hri hian an mahni inhneh tir lo turin a ti a, Trump Administration hnuai ah a damdawi hi buaipui a nih thu te leh kum 20 liamta aia a that zawk thu a tarlang bawk.

Tin, Trump hian Campaign Trail ah a tel vat tur thu pawh a sawi. A chhungkua leh midang te chu dinhmun derthawng ah a dah tiin netizen zingah dem tu an awm nual. Mahse mi thu khawchang mai mai te vang in Trump hi chuti ngawtin a nem hmel loh. Hetih lai mek hian WHO lamin hri hian zual lam ala pan zel a ni tih an lo puang ve bawk.

ZN