Mizo Elite News hi ṭha i tihzawng a nih chuan min lo Follow dawn nia

Donald Trump An Sakhuana Lam A Ngai Pawimawh, Governor Te A Vau Zui

Donald Trump nge nge a che pa leh riap riap khawp mai. Trump chuan Governor te hnenah ngenna a siam a, hemi rual hian vauna a chhakchhuak zui nghal bawk.

Lockdown inthlahdul zai rel chhoh hret hret zel ni mahse Governor lam ten sakhuana lam kaihhnawih neih chu la phal lovin religious institutions Biakin leh mosque te chu an hawng duh lo. Chu chuan Donald Trump thin a khei tak zet a, a lungnihloh phah.

Zirtawpni khan White House ah Trump chuan Governor te chu religious institutions te hawng turin a ngen a, “tun hun ah hian America hian ṭawngtai tam kan mamawh zawk” tiin a sawi a, sakhuana a ngai pawimawh nasa hle.

“Governor te hian thil dik tak an ti tur a ni. Tun hunah hian religious institutions hawn hi a pawimawh. liquor stores leh abortion clinics te a pawimawh tiin an hawnga biakin leh houses of worship dang an hawng silo. Hei hi a dik bik lo hul hual a, religious institution te hawng rawh se” a ti.

Trump chuan America mi maktaduai chuang zet te chu an nunah Worship a pawimawh a ni tiin Governor te hian religious institution te an hawng duh lo a nih chuan amah ngeiin hma a lak tur thu leh Governor te chu a namnûl tur thu in a kheng zui ta nghal. Governor lampang hian President, Trump ngenna hi an zawm ang em maw.

FoxNews