Mizo Elite News hi ṭha i tihzawng a nih chuan min lo Follow dawn nia

Doctor Pakhat Chuan Bawng Êk Thatna A Sawi Ruala Ei In Bawng Zun A In Tel Bawk

India ram nge nge hi chu kan lo duai lo a ni. India rama cheng zinga mi thenkhat ten mihring tana bawng ek leh bawng zun thatna hi an sawi fo a, a thenin hripui leng mek Covid19 lak atang tidam in a veng thei an ti bawk.

Haryana a Karnal a awm Doctor pakhat Dr Manoj Mittal pawh hi bawng ek thiltihtheihna fak nasa zual tu zinga mi a ni ve a, Doctor hna hial chelh in mihring tana bawng ek leh zun thatna a sawi meuh mai hi rin a har zawk hle.

Bawng dahna huang ah chuan kalin Dr Manoj Mittal chuan Camera hma ah bawng ek thar lam tak chu an la kang a, taksa tana a thatna sawi zuah zuah chungin alo ei ta hmiah hmiah a ni. Hei bakah a ek chauh ei hi duh tawk lovin a zun (urine) te thlengin a in tel bawk.

A sawidan chuan a nu pawh in bawng ek hi a siam thin. Bawng ek leh zun that zia hi a ring nghet hmiah tih a sawi a taksa, rilru leh thlarau te chu a tithianghlim a ti. Hmeichhia ten an ei a nih chuan nau neih awlsamna a ni a, cesarean a ngai lo hrim hrim tih a sawi.

Hei mai bakah Bawng ek hnim hian hritlang leh awmna te pawh a tidam thei cheu a, bawng zun in hian blood pressure bakah cancer natna thlengin a thawi dam vek thei a ti bawk.

Mahsela Dr Manoj Mittal thusawi hi rin a hlawh lo nasa viau. Ringtu aiin mawl ti tu a tawng hnem zawk. Bawng taksa pawh in a mamawh tawh loh vanga a ek chhuah chu mihring tana hrisel a nih an ring lo hul hual ani.

India ram mipui te hi zawng thil mak leh dangdai te hi ram dang ai hian kan hre hnem zawk emaw tih tur a ni. Puithuna atthlak tak tak ring pawl tawk lah tam tak an awm. Tu emaw in Bawng ek hi mihring hriselna atan a tha tih a hrilh che chuan leitha atan bak a hman tlak loh tiin ilo hrilh hre zawk dawn nia.