Mizo Elite News hi ṭha i tihzawng a nih chuan min lo Follow dawn nia

Doctor Hmeichhia Pakhat Railway Hnuaia Tui Tling Ah Tangin A Nunna A Chan

Tamil Nadu a Pudukkottai district ah hmeichhe Doctor pakhat chu Zirtawp zan khan vanduaina tawkin Thudaiyur a railway hnuaia tui tam tak tling ah Motor chhungah tangin thaw chham in a thi a ni.

Nunna chan ta hi C Sathiya a ni a, Hosur a government hospital ah assistant surgeon in a thawk mek. Thil thlen lai hian motor chhungah hian a pasal nu kum 67 Jayam Ammal pawh a bulah hian a awm ve a mahsela a ni erawh a nunna an chhan sak hman.

He chetsualna chungchanga chhui tu Keeranur police te chuan railway hnuaiah hian ruahsur nasat lutuk vangin tui hi a tling in a lian a, Dr Sathiya hian an Car pil thei tur khawpin tui hi a awm tam ang tih a ring bik lo.

Tui thuk lam hi 4-feet vel a ni. Tui a thuk a ni tih an hriatchhuah meuh chuan tih ngaihna a awm tawh lo. Car chu tidingin chhuah an tum chu tui nekna a chak in awlsam takin a chhuah theih loh. A pasal chu tanpui turin a be pawp thei hram. Dr Sathiya hian seatbelt a hreng a, a phelh tumna ah hian a thaw a chham nia hriat a ni.

Truck driver chuan chetsualna thleng a hmuh rualin midang a pun nghal a Jayam Ammal hi an chhanchhuak. Jayam hi SI chuan chetsual lai in seat hma ah a thu niin an sawi a, police Sivasubramanian and revenue divisional officer (RDO) Iluppur M S Balathandayudhapani, a deputy superintendent erawh chuan seat hnungah zawk chuang angin a sawi thung.

Sathiya leh a nu hi rang takin damdawiin an pan pui a, Sathiya hi a nunna chhan theih ni tawh lovin a thi tih an puang. Sathiya hian a pasal Sivakumar, 40 leh a fate 2 a kalsan a ni.