Mizo Elite News hi ṭha i tihzawng a nih chuan min lo Follow dawn nia

Doctor Fapa Chuan Mask Changkang Leh Tangkai Tak Mai A Siamchhuak

Kerala a Thrissur a mi B-Tech student pakhat Kevin Jacob chuan Covid hmatawng te tana hman tur inbiakpawh awlsamna Mask changkang tak mai a siamchhuak.

Kevin Jacob hi a nu leh pa te Doctor niin hrileng mek ah frontline workers ah an tang a, PPE suit inthuam in face mask an vuah tlat vangin inbiak pawh a harsa in tawng in hriat pawh a harsa thin.

Hei hi Kevin hian a hriat chuan idea tha tak mai a neih phah a, taksa inhnaih lo thei ang bera Mask vuah a inbiak a awlsam nan Mask a siam. He mask ah hian Mic leh Speaker te vuah a ni a, Mic hi chhung lamah awm in speaker hi pawn lam ah dah a ni thung.

Mask vuah tu a piang te chuan him tak siin taksa inhnaih lo in tawng an in hre pawh zung zung dawn a ni. ANI hnen ah chuan “ka nu leh pa te doctor an ni a, Covid do in hna an thawk thin. Hmai khuhna Face Mask an vuah hi a chhah deuh vang in inbiak zung zung a harsa thin a. Chuta tang chuan he idea hi min neih tir ta a ni” a ti

Heng mic-speaker hi magnets hmangin awlsam taka thlak theih a ni bawk. A thil siamchhuah tangkai tak vang hian fakna pawh a dawng nasa hle a. 50 chiah la siam rih a ni a, South India a doctor te pawhin an hmang tangkai hle. A Project te tham tak hi pui duh an awm a nih chuan a inhawng reng tih a sawi a ni.