Mizo Elite News hi ṭha i tihzawng a nih chuan min lo Follow dawn nia

‘Dil Bechara’ Trailer A Sushant Singh Rajput T-Shirt Inbelin Ngaihven A Hlawh

Bollywood Film hit tura mitam takin an beisei ṭhup Sushant Singh Rajput film hnuhnung ber “Dil Bechara” trailer chu tihchhuah a ni ta a, mitam tak ngaihven a hlawh nghal.

“Dil Bechara” hian Youtube ah Like tam lamah Avengers a rawn khum nghal a, mitam takin beiseina sang tak nen an thlir ṭhup a ni.

Trailer chhuak aṭang in kil tin aṭanga uluk taka lo en dik tu te chuan Sushant thuamhnaw inbel, a T-Shirt chuan mit a la leh hle mai.

Trailer a T-Shirt a hak ah hian Sushant Singh Rajput hian thumal 4 inchhu “HELP!” tih inziak chu a hachhuak a, hei hi Sushant fans lam te chuan Social Media ah an khel zui a tling chho leh ta.

“Dil Bechara” Shooting an neih lai pawh hian puih a mamawh zia a lo auchhuah pui reng a ni tiin an la ṭang fan hlawm. User pakhat chuan Sushant hian a T-Shirt ah hian a hun tawpa a rilru put dan a tilang a, puih alo mamawh tak zet a ni a ti.

User dang pakhat chuan “A hmel chu a hlim a, mahsela a T-shirt erawh in puih a mamawh thu a sawi thung si” a ti bawk. Hei bakah hian midang dangin Dil Bechara a Sushant T-Shirt hak a thumal inziak hi an hmehbel hlawm. A fans te hian a chunga thil thleng hi tuar thiam har an la ti viau a ni.

“Dil Bechara” hi 2014 Hollywood drama “The Fault in our Stars” remake a ni a, July 24 khian digital platform ah release a ni ang a, he film hi Mukesh Chhabra direct na hnuai ah a ni dawn a ni.

News18