Mizo Elite News hi ṭha i tihzawng a nih chuan min lo Follow dawn nia

Dik Lo Taka Thiamloh Chantir In Kum 24 Jail A Tan Hnuah Chhuah Zalen A Ni

Vawih lo mah vawiha inpuh a na an tih kha. North Carolina pa pakhat Dontae Sharpe chu dik lo taka thil tisual tu a puh niin kum 24 lai Jail tan tir a nih hnu ah zalenna pek a ni.

Kum 1995 daih tawh khan Dontae Sharpe hi tualthah chungchang vangin thubuai awrhtir a ni. Hetih lai hian rawlthar kum 19 lek a la ni a, ruihhlo kaihhnawih chungchanga indawrna ah mi pakhat kum 33 mi George Radcliffe chu a that tiin an puh.

He thil thleng ah hian Sharpe chuan pawikhawih tu a nilo tiin a dikna chanvo chuh mahse mita hmu tu insawi hmeichhia in a thil hmuhdan te testimony a sawi atang chuan Sharpe hian Radcliffe chu a that ngei a, tih theih dang vak a awm talo chu a sualna lo pui ah Jail ah khung a nih phah.

2019 a Interview ah pawh Sharpe chuan thiamlohna a neih loh thu hi ala tang ve fan a. Thil thlen lai mita hmu tu anga insawi chuan a hnu ah a thu a zuk leh in thil thlen lai khan a hmun ah a awm loh thu leh a thusawi chu phuah chawp mai mai alo ni zawk tih an hrechhuak.

2019 khan a fihlim tih hi hriat a ni tawh a,Case hi ennawn leh a nih hnu ah Zirtawpni khan North Carolina Governor Roy Cooper chuan Dontae Sharpe hi zalenna tluantling a pe. Pardon pek a nih rual hian kum 20 chuang a tawrhna ah $750,000 thleng zangnadawmna a ngiat thei dawn bawk a ni.

Sharpe chuan an chhungkaw hming hliau tawh chu a fel ta a, amah leh a chhungte chunga phurrit tak awm chu lak kian a ni tawh tih a sawi. Tin, a chunga thil thleng ang tawk ve midang, dik lo taka thiamloh chantir te tan ke pen a tum thu a sawi tel bawk.