Mizo Elite News hi ṭha i tihzawng a nih chuan min lo Follow dawn nia

Demi Lovato leh Max Ehrich ten an inhualna an chhu chat

Thla tam em pawh an inhualna aṭang a la liam lo a an inṭhen leh nghal mai hi rin a har zawk khawp mai.

Zaithiam Demi Lovato (kum 28) leh lemchanthiam Max Ehrich (kum 29) te chuan an inhual thu an puanchhuah aṭang mit khap kar lek kan ti dawn nge thla 2 hnu mai ah an inhualna chhu chat in an inṭhen thu puan a ni leh ta.

Source rintlak takin Demi leh Max te inṭhen thu hi People Magazine hnen ah a hrilh. An pahnih hian mahni ve ve a kal hrang tawh turin thu an ti tlu a, an career lam ah theihtawp chhuahin insawrbing an duh a ni tiin.

Hun an hman dun te pawh kha an pahnih hian an ngaihlu hle a an inzah tawn em em bawk tih sawiin inhuatna engmah an inkarah hian a awm lo hrim hrim a he thutlukna hi an tan pawh khirh tak a ni tih Souce chuan a lo sawi bawk.

An pahnih hian an inzui rei hran lo a, thla 4 aia rei lo an in ngaihzawn hnu ah July thla khan tuipui kama Propose lai thlalak nen hmangaihna thu thlum tak tak tarlangin an inhual tih hi an puangzar thut. March thla aṭang chauh a inkawp ṭan an ni tih report in a tarlang a inhualna an nei zui ta mai khan mi ṭhenkhat mak tih pawh alo hlawh ru hle nghe nghe.

News18