Singer leh Actress lar tak Demi Lovato chuan a Docuseries thar ‘Demi Lovato: Dancing with the Devil’ ah a hun kal tawh a a thil tawn leh ruihhlo vanga a nun a talbuai chungchang te a sawichhuak.
Kum 28 mi Demi Lovato hian a Documentary thar ah hian ngaihven hlawh tur thil a tarlang nual a, July 2018 a Overdose vanga thi lek leka a awm lai khan ruihhlo petu a dru-g dealer chuan zanah a harhfim loh laia mipat hmeichhiatna lam zawng a a khawih thu a sawi.
Rui leh harhfim lo a a awm lai chu hun remchang ah a hmang a ti a, a harhchhuah leh meuh chuan damdawiin ah a lo awm tawh. Damdawiin lam a thawk te pawn a chunga thleng chu a remtih puina leh duhthlanna ngei a nih leh nih loh zawhna an lo zawt hial bawk.
Tin, Demi Lovato chuan mawilo leh tenawm taka a chunga heng thil thleng hi a vawikhat tawnna mai a nih tawh loh thu a sawi bawk a, tleirawl chhuak tir te a nih in a thianghlimna a hloh tawh thu a sawi tel.
Disney hun lai a kum 15 a upa a nih in pawngsual a lo tawk tawh a “khami zan a thleng ang tho kha tleirawl ka nih in ka tawng tawh. Pawngsualna in ka thinghlimna ka hloh phah a ni” tiin a sawichhuak.
A thianghlimna a hlohna hi a hming tak erawh Demi Lovato hian a sawilang tel lo a, a mi hriatchian tak Disney crowd zinga mi a nih thu chauhin a sawi.
He Pop Star hi a hringnun zingkawng ah harsatna tam tak tawk in a kawng zawh a bumboh ve hle a, ruihhlo vanga talbuaiin vawi eng emaw zat chhuah a tum pawn a ngai ah bawk a tlu nawn leh fo thin.