Mizo Elite News hi ṭha i tihzawng a nih chuan min lo Follow dawn nia

Demi Lovato in mipa leh hmeichhia a nih loh thu a puangchhuak

Pop Star, Demi Lovato hi a hma atang tawh rengin neih in ang inkawp LGBTQ thlawp tlat tu te zinga mi a ni a, a ngaihdan chuan neih in ang inkawp hi sual a ni lo.

Hetia LGBTQ a thlawp tlat chhan chu amah atang a rawn fiah chho ta zel bawk. Demi Lovato hian Twitter kaltlang in a nihna dik tak a fans te a hrilh a, Non-Binary a nih thu zep si se lovin a sawichhuak ta riap mai.

Non-Binary hi a awm zia tak chu mipa leh hmeichhia pawh nihna neilo ve ve tihna a ni mai a, atan chuan hun lo la awm turah hmangaihna zinkawng ah hian kawppui a nei dawn lem lo a nih hmel.

Tin, Demi Lovato hian hei mai bakah hian amah an koh dan tur a thlak thu a tarlang tel a, hmeichhe kohna atana hman she leh her tih ai ah they/them tia koh a ni tawh dawn a ni a ti. He a gender identity a puanchhuah hian amah pawh a tihlim in zah chu sawiloh a inchhuang hle zawk.

A nihna chungchang hi Demi Lovato hian a buaipuina a rei tawh hle. Thla 2 liamta mai pawh khan pansexual a nih thu hi a puangzar tawh bawk a, a fans tam tak te a thawng zui viau a ni.

Music Industry ah a lar berte zing a mi a ni pha a, a hla ngaithla a lo atchilh ve em em tu mipa te tan beisei a bo khawp mai.