Mizo Elite News hi ṭha i tihzawng a nih chuan min lo Follow dawn nia

Delhi Police In Pitar Chaklo Vaccination Centre Ah A Kut Ngeiin A Pawm

Keini ai a kum upa leh tar chaklo zawk te tanpui hi malsawmna dawn na kawng pakhat a ni.

Delhi Police constable Kuldeep Singh hian Internet a luah hneh hle. Hri hlauhawm tak len karah Kuldeep Singh hian midang tanpui turin a penchhuak hreh lo. Pitar kum 82 mi tawh mahni a kal thei lo chu Vaccine la tura tanpuiin a kut ngeiin vaccination centre thleng a lo pawm.

He pitar hi Shaila D’Souza a ni a, English zirtirtu chawl tawh niin pasal a nei lo bawk. Kuldeep Singh hi Kashmere Gate Police Station ah hna a thawk a, a nungchang mawi leh midang te tana a inpekna avang in an fak hle nghe nghe.

Pitar pawh hi an area chhunga mi a lo ni nen a ngaihtuah hle a, a dinhmun that leh that loh thlithlai fo in Vaccine la tur pawh hian a tul ang zawng zawng a buaipui sak.

Kuldeep Singh hi a chhungte kianga pawh hun hmang thei lovin a hna theihtawp a tha in a thawk a, midang te tanpui chu a ngaih pawimawh thu leh a chhungkua ang mai a a en thin thu a sawi. A thil tih chu midangte fak tura ti a nih loh zia sawiin mipui te tanpui leh an tana hnathawh chu an duty a ni a, midang tu te pawn tanpuitu nih hrehlo turin a chah bawk.