Mizo Elite News hi ṭha i tihzawng a nih chuan min lo Follow dawn nia

Dawih Avanga Virgin Ka Nilo

A ngaihnawm tak zet. Hetiang mipa hi hmeichhe tam takin a an lo suangtuah leh duhthusam ṭhin mipa pawh a nih ngei ka ring. An fate pa ni turin an iai hauh lo ngei ang.

Tlai khat chu tlangval pakhat hi a ṭhian te nen leng ho turin ruahmanna an siam a, Tichuan zan ah chuan an Bike te keng chhuak in leng turin an chhuak ta a. An ṭhian te ho hi an inkawmngeih em em mai a, engkim an ti ho a len ho, Picnic ho te, in lawmpuina ah te pawh an inlawm pui a, tiang chuan chhiat tawh nise an in ṭanpui hlawm vek a an inkawmngeih em em a.

Tichuan an lengchhuak pawh chu nuam an ti khawp mai a, ṭhian te chuan an zu pai chu in tur chuan hmun fianrial deuh pakhat ah chuan an kal khawm a. Zial te zu in an thil ken ang ang te chu eiin zu chu an han in ta a. Amaherawh chu he tlangval pakhat hi ruihtheih thil zuk leh hmuam a ti ve duh ngai miah lo a. Heng zu an pai vanga lengchhuak ve hi ni lovin a ṭhian te a kawmngeih em em an nih avangin kawm ve mai chauh a ni a. Hetiang lam pang hi engmah a ti duh ngailo a ni.

Tichuan in a ṭhian te chuan an in ta malh malh a, an kai chhoh ṭan vang nge ni an ti ti a tui ṭan khawp mai a. An ṭawng te pawh a kal duh cher cher khawp mai. Tichuan an ti ti chho melh melh a, in pah chuan an han nui ho leh dar dar bawk ṭhin a. Zurui kam nam tih takah an ti ti te pawh a zahmawh ṭan riau mai a. Tichuan an ngaihzawng te nen a an khawsak dan te chu an sawi ho der der mai a. Chu tlangval chuan mak ti tak mai hian a lo ngaithla ru reng mai a, a nuih pawh a za zawk lek lek a, a lo nui suk mai ṭhin.

Tichuan an han ti ti chho leh melh melh a, an ngaihzawng te bula an khawsak duh dan leh an ngaihzawng te nena an khawsak dan te chu an hming nen lam chuan an han sawi ta melh melh a. An ngaihzawng an bialnu te an mutpui thu te, thisen a lum bawka zep nei lek lo mai hian an han sawi barh barh mai a. Anni rilru fim tawh lo nen engmah zep awm lova hmeichhia an mutpui tawh zawng zawng te nen an han sawichhuak ta dap dap mai a. Zah a hnekin insawitheih nan an hmang hlauh zawk a, an insawitheih siak hi a ni deuh ber mai. Chu tlangval chuan a lo ngaithla kar mai a. A ṭhiante ṭawngkam ṭhenkhat aṭang chuan chutiang ang ti ve thei lo chu an huphurh in an tlawm la hle mai tih a hriat theih a.

Tichuan a ṭhian te chuan chu tlangval chu “nangchauh in ila sawi lo. Nang i harh fim ber bawk a, hetiang ang hi i ti ve tawh em?” tih an han zawh chuan a ṭhian te bulah chuan “E… Kei chu hetiang hi ka la ti ve hauh lo mai. A tih pawh hi ka duh lo a ni. Pathian thil phal loh a ni a, kei chu ka la him e. Ka la virgin e” tih thu hi a sawi ta a. Chutah tak chuan a ṭhian te chuan an nuih nasa mai a, “i va han hep tak. Mipa ve si chutiang pawh la tih loh te chu a. I ṭhing em mai” tih ten an ṭawngkhum leh ta nghal a.

“I luck lo hle a nih chu, chutiang pawh la tih ve loh. I dawihzep vang a nih chu. Chance pawh i hmu ang a, i dawihzep vangin i ti lo mai mai a nih chu. I ṭhing em mai mipa ve si” tih ten an sawi khum a. A ṭhian te zinga mi pakhat chuan insawithei leh intithei hmel deuh tak mai hian “a tihdan ka lo zirtir dawn che mi niang” tih ten a rawn sawi a. “Hmeichhia chu a tirah chuan tuman an duh lo,an han ṭang an han ṭang a, an duh lo vel a. Mahse han ti han ti ila an duh ve mai,kan thei mai” tih te khan an sawi khum a. Chu tlangval chu chutiang a an sawi khum chung pawh chuan a ngawi reng a engmah hi a sawi lem lo a, a lo nui vel mai mai a. Tichuan a ṭhianpa pakhat chuan tihian a rawn sawi leh a. “I dawihzep vang a nih chu” tiin. A ngaihdan chu a nilo ve khawp mai a, chutianga mi dawihzep tia an chhuah chu a thin a rim pui ve deuh hlek a ni. Chhan let a tum lo in nuihsan mai mai a tum viau nangin chhanglet lo thei lo dinhmun ah a ding niin a hria a, tichuan a ṭhiante chu tihian a chhang ta a ni

“Kei chu ni e dik duh ni ila chuan Chance chu ka hmu ve ngei alawm mahse ka duh lo a ni. Ka dawihzep vang a nilo. Kei chu inneih hma chuan hetiang hi tih ka duh lo a, dan thianghlim ngeia nupui neih hi ka duh a ni” tiin a chhang ta a. Chutah a ṭhianpa pakhat chuan “i ngamloh vang mai mai a nih chu, chhuanlam a tlinglo” tiin a rawn sawi leh a. Chutah tak mai chuan tihian a chhang let leh ta a.

“Ka ngam leh ngam loh te, ka dawih leh dawih loh te hi a ti fiah turin inneih hma in tumah ka mutpui a ngai lo a, i thu ka zawm pawh a ngai hek lo. A tihdan tur pawh min hrilh a ngai lo ve. Ka dawih leh dawih loh i hre duh a nih chuan nupui ka neih hnu ah Video in ka nupui nen ka huaisen zia ka rawn thawn ang che. I possy duh ber rawn sawi la, eng possy pawn ka ti vek ang. Video in ka rawn thawn em em ang che. Ka huaisen leh huaisen loh te, ka dawih leh dawih loh te chu i hre mai ang” tiin a chhang let ve leh ta a ni.

“Inneih hma a hetianga ka tih ve loh pawh hi ka luck loh vang leh ka hmuh zawh loh vang te a ni lova, nangni chuan in ngaihzawng in bialnu te an duhlo chung chung in nawrlui ṭal ṭal a, in nawr in nawr a, inṭhen hialah te in vau a. An duh lo chung chung tihpui ṭal in tum a, chutah hmeichhia te inngaihzawng nu te chuan an hmangaih em che u vang leh nangmahni ah rinna an nghat a, in neih ve mai duh pawh ringin an han inphal ta a, kei chuan khatianga inngaihzawng te in nawr chuk chuk a, invau a inṭhen ah te khatiang anga in tih kha Luck ka ti ve lo. Inkhawngaihthlakawm ka ti. A Luck loh thlak ka ti. Mi duh lo chung chung Kiss luih ang vel a ni. In luck ka ti ve lo e. Chuta chhap ah khang in mutpui te kha inla ṭhen leh a awlsam te in, a awmzia ka man pha ve lo” tiin a chhang leh ta hlauh zawk a ni.

Chutia a chhan let tak ah chuan a ṭhian te pawh chuan dik an tih hmel vang ve nge ni an ngawi ve ta ṭhap mai a ni.

Awle, i ngaihzawng/i bialnu i ṭhiante pawh nise an laka i huaisen zia, i luck zia leh i hmuh zawh zia te i dawih loh zia te fiah turin inneih hma in tumah i mutpui kher a ngai lo. I hmangaihzia lantir nan i mutpui kher a ngailo. I huaisen zia te, i ngam zia te,i zei zia te kha inneih hnu ah i nupui hnen ah i lantir chuan a tawk. Chuvangin inneih hma a mi mutpui theih hi luck na a nilo a, huaisenna pawh a ni hek lo. Inneih hnu chauha Sek (x) hmang khawp a huaisen lo a mi dawizep chutiang tlin lo chu tunlai ah tam tak an awm tawh a,chuvangin mi huaisen i nih chuan inneih hnu ah chauh mipat hmeichhiatna/nupa nun hmang ṭhin la, natna hlauhawm lakah i him dawn nia. Kan Pathian duh dan in dan thianghlim ngeiin nupui nei ang che.

Help Mizo