Hmangaihna hi kum tam leh tlem ah a innghat thui lo a ni tih an rawn ti chiang hle mai.
Kum 70 a upa record producer, David Foster leh a nupui kum 36 a upa Actress, Katharine McPhee te chuan an pahniha an fa hmasa ber tur an pai mek a, naute an beisei thu hi People’s sources chuan Ningani khan a nemnghet a ni.
David Forter tan a fa 6 na tur a ni tawh. Foster hian fanu 5 nei tawh in nupui pawh 5 a nei hem tawh bik. A nupui te chu B.J. Cook, Rebecca Dyer, Linda Thompson, Yolanda Hadid an ni a, tunah McPhee nen hian an inkawl rih mek.
David Foster fa hmasa ber Allison Jones Foster, 50 pawh hi a nupui McPhee aiin a letin a upa daih bawk a, a nu rual tur zawk a ni mah ang chu. David Foster kum 20 a nih ah Allison hi a piang.
A fanu dang te pawh hi a nupui hian a rual pha hlawm meuh lo. Fa a neih leh chuan an chhang a khat ve pharh ang. McPhee pawh hian Foster a tawn hma hian pasal Nick Cokas nen an innei a, 2008 – 2016 thleng an inkawl hman.
David Foster fanu te aiin naupang zawk mahse an pa kawppui ah McPhee a awm hi an lung a awilo hran lo. A fanu pahnih Sara leh Erin te phei chuan McPhee hi an ṭan zia leh naute nei tura an duh zia te pawh an lo sawichhuak ve nghe nghe. Erin chuan a pa te an hlim chuan ka hlim a ni mai tiin a thlawp tlat.
McPhee leh Foster te hi June 28, 2019 khan London a Armenian Church of St Yeghiche, South Kensington ah an lo innei.
DM