Mizo Elite News hi ṭha i tihzawng a nih chuan min lo Follow dawn nia

Damlo Mangang Te Buma Fire Extinguishers Chu Oxygen Cylinders Anga Zuartu Te An Man

India ram nge nge a manganthlak zawng a ni. A thlen in sanitizer an lo in thul a, vai sual tak tak te lah in inbumna hmangin hlawkna tel ve phet an lo tum bawk.

Delhi Police te chuan an thudawn bawhzuiin mi 3 te chu Oxygen lem an zawrhchhuah avang in man an ni a, heng an man te thilsual tih hi sual satliah mai a nilo. Kang thelhna fire extinguishers chu cheibawl in Covid19 vei mek damlo mangang tak tak te hnen ah oxygen cylinders ti a sawiin an lo hralh thin.

Heng misual tawrawt pathum hi Ravi Sharma (40), Mohammad Abdul (38) leh Shambhu Shah (30) te an ni a, an vai hian Delhi a Alipur a cheng leh khawsa an ni bawk.

Police ten an awmhmun khuara an va nangchin hian 530 fire extinguisher iron gas cylinders leh 25 oxygen gas cylinder te an man tel a, cylinder an siam danglamna hmanrua electric grinders te pawh hmuh a ni. Heng bakah hian spray-paint cans leh pawisa Rs 49,500 an man tel.

Radha Vallabh Sewa Sangh NGO zinga mi Mukesh Khanna chuan Farsh Bazar police station ah complain hi a thehlut atang an thil sual tih hi manchhuah an ni.