Mizo Elite News hi ṭha i tihzawng a nih chuan min lo Follow dawn nia

Damdawiin Lift Chhia Siam That An Tumna Ah Chuan Hei Hi An Hmuchhuak

Uttar Pradesh a Kaili, Basti district a mi OPEC Hospital a Elevator chu rei tak a chian tawh loh hnu ah siam tha turin an buaipui a, kum 24 zet a liam tawh a an han hawn leh nak chuan mihring ruhro an hmuchhuak.

UP Tak in a tarlan dan in ruhro an hmuh chhuah hi mipa a ni an ti a, Police leh forensic department te chuan hun reitak lo awm tawh ruhro chu chhuichian hna an thawk a, DNA test turin an thawn nghal a ni.

Khum 500 lenna OPEC Hospital hi 1991 ah a sak hna hi thawh tan a ni a elevator hi 1997 thleng kha chu a hman theih a, hemi hnu atang hian chiangkuang lovin hman zui theih lohin a awm.

Ruhro an chhar hi tunge tih leh khawi a mi nge tih tak ngial pawh Police te chuan rinthiam har an ti hle a, rilru a ti buai viau. Ngaihdan pahnih ah he pa hi Elevator a chuan lai hian a chhia ang a thaw chham in a thi ta nge tu emaw in a that anga a ruang hi an thukru zawk tiin Police ten leh lam ve ve atang an buk tawn a, mahsela hei pawh hi a dik lo ve thei tho bawk.

DNA report kimchang a chhuah hun ah chanchin chiang zawk hriat theih an inbeisei. Basti a Additional Superintendent, Deependra Nath Choudhary chuan Case hi Register a ni tawh a angles hrang hrang in Police ten an chhui mek. District chhunga police stations 24 ten chhuichhuak turin theihtawp in an thawk tih a sawi.