Mizo Elite News hi ṭha i tihzawng a nih chuan min lo Follow dawn nia

Damdawiin Lam Ten A Thi Tih Puangin Mitthi Vawnthatna Ah Darkar 7 Lai Dah Anih Hnuah A Rawn Nung Leh

India ram Uttar Pradesh’s Moradabad district ah chuan Accident tawk mipa pakhat chu Doctor ten a thi tih an nemngheh vek tawh hnu ah mitthi ruang vawnthatna mortuary freezer a darkar 7 chhung dah a nih hnu in a dam leh tih an hrechhuak.

Chhungte tan chuan a lawmawm dan tur hi. Vanduaina tawka thi ang a damdawiin lam in an puan tak hi Sreekesh Kumar a ni a, Ningani zanah Bike in a sut hnu khan Sreekesh Kumar chhungte hian rang takin damdawiin ah an tlanpui nghal a ni.

Doctor duty ten an endik chuan Sreekesh Kumar chhungte hnen ah beisei tur a awm tawh loh thu hrilhin a boral tih an hriat tir a, ruang chu post-mortem a nih hma in Mortuary Freezer ah dah a ni.

Darkar 7 zenzawn a liam tih ah Police ten ‘panchnama’ an file a, a chhungte chuan ruang chu endik hnuah postmortem phalna chu an buaipui a, mahsela ruang vel an enfelna ah chuan Kumar unaunu Madhu Bala chuan a taksa ah thil felhlel awm in eng emaw che awmin a hmu a, a la thaw reng tih a sawichhuak.

Doctor leh Police lam te chu hriattir nghal an ni a, a chhungten ala dam thu an sawi chu alo dik ngei bawk. Sreekesh Kumar hi Meerut a health centre panpui nghal a ni a, a dinhmun pawh a zia sawt hle. A unaunu chuan nikhua erawh a la hriat loh thu a sawi a, mahse a nunna tan a hlauhawm tawh lo tih medic ten an puang.

A thi ang a puang tu Moradabad district hospital’s doctors te lakah Sreekesh Kumar chhungte chuan thubuai theh luh an tum thu an sawi bawk.Moradabad chief medical superintendent, Dr Shiv Singh erawh chuan damlo hi damdawiin a an lo hruai thlen khan a lung pawh a phu tawh lo a, vawitam an endik hnu ah a boral tiin an puang chauh a ni. Keini chuan mi nunna chhanhim sak tu nih hi kan duh a, chumi tur chuan theihtawp kan chhuah thin tiin TOI te a hrilh a ni.