Mizo Elite News hi ṭha i tihzawng a nih chuan min lo Follow dawn nia

Damdawiin Kangmei Chhuakah Kum 12 Chhung An Fa Neih Hun Lo Nghak Tawh Tu Nupa Te Chuan An Fa Ruang Zawk A Hawnpui A Ngai Ta Si

Thawhtanni a Madhya Pradesh, Bhopal a damdawiin Kamal Nehru Hospital a kangmei chhuak chuan chhungkua te biangah mittui a luan tir a, damchhunga an hriat reng tawh tur ser a hnuchhiah sak.

Naute nunna chan zingah hian nupa tuak khat te chuan kum 12 chhung teh meuh mai an fa neih hun an lo nghak ve tawh a, mahse an fa ruang zawk chu damdawiin atang in an chhuahpui thung. An chunga thil thleng hian rilru a ti na ngawih ngawih hle.

Nupa tuak te hi Raees leh Irfana Ahmed te an ni a, an fapa hi Rahil tiin a hming an sa. Raees leh Irfana Ahmed te nupa hian an fa neih hun tur hi thangkhat lian zet an lo nghak ve hram hram tawh a, tawngtaina nena an thlen hnu ah an tawngtaina chu chhanin a awm. Chhungkaw hlim tak din tura suangtuahna tam tak nen hma hun an thlir laiin an rinlawk loh in vanduaina chuan an chungah thla a zar a ni.

Thawhlehni ah Rahil leh a chhungte hi damdawiin chhuahsan tawh tur an ni. Mahse kangmei chhuak ah hian Rahil hi thi in a ruang zawk chu a nu leh pa te hian in lamah an haw pui ta zawk.

“Kan fapa ruang kha ka nupui hmuh tur in ka phallo. Kangmei vang khan a vun te chu hmuh hrehawm tak a ni” tiin a pa Raees chuan a sawi a, Ward ah khan tlanluh a a fapa nunna chhan a tum chu kangmei a nasat em vangin luh phal a ni lo a, Security Staff te chuan an dang. A fapa boral lai chu hrehawm taka thlir loh chu kawng dang a awm tawh silo a ni.

Nunna chan dang zingah naute phir zinga pakhat zawk a thi a, pakhat zawk hi a dinhmun a ngaihtuahawm hle tih hriat a ni. Naute pakhat phei chu an dahna Plastic kangmei in a hliau sawrna chuan a taksa a tlak bawk a, hmuh hrehawm tak an nih thu an sawi.