Mizo Elite News hi ṭha i tihzawng a nih chuan min lo Follow dawn nia

Damdawiin Ah A Naute Chu Naute Dang Nen Thlakthleng Palh A Ni Tih An Hrechhuak

Damdawiin a nau neih hian fimkhur a ngai hle. A chhan chu midang naute nei an awm ve tho thin vangin naute in thlakthleng palh sawi tur hi hriat a ni fo. Movie leh Film ah te pawh tiang thil hi tarlan a ni thin bawk.

Malaysian online entrepreneur pakhat Siti Suriani Wahiddin chuan Inrinni kalta June 12 khan a pasal nen thil danglam tak an tawng a, damdawiin a fa an neih ah an naute dik tak chu naute danglam nen thlakthleng a ni.

Sinar Harian in a tarlan ah Siti Jamumall hian an chunga thil mak thleng hi Facebook Live kaltlang in a rawn puang a, midang te mak tih a hlawh zui hle.

Damdawiin a thawk medical te thiam loh palh vang liau liau a nih hmel. Live ah chuan in Siti Jamumall hian Shah Alam a private hospital ah naute duhawm tak mipa a hring tih a sawi. Nau a neih tuk lawk ah chuan damdawiin chhuahsan thei an ni nghal.

In lama an hawn chuan a naute ke a hming inchhu name tag ah chuan diklo a awm palh a,name tag atang chuan naute in lama duat tak a a hawn pui chu a fa a nilo a, a nu hming dangdaih alo inchhu a ni.

Heta tang hian a fa nilo a hawn a ni tih an hrechhuak. In a an panpui naute hi 10 June at 3pm a piang a nia, an fapa dik tak erawh kha chu 11 June at 2.36 am khan a piang a ni.

“A rang thei ang berin damdawiin te kan be pawp nghal thuai thuai, in lama kan hawn khan ka pasal chuan naute ke a name tag kha paih bo a tum a, a tihbo hma in tag a hming inziak ah chuan a nu hming ah hmeichhe dang daih hming a inziak. Hei hi drama mai mai a nilo a, dramas vela naute thlakthleng a nih hi ka lo hmu thin a, ka chungah a tak ngeiin a thleng a ni” a ti.

A pasal leh a pasal pa ten an chian hnu ah damdawiin ten naute chu tih palh thil thu in an lo thlak tih an hrechiang a, him taka pe kir leh turin inbiakna an nei nghal. Name tag kha lo paih bo hman se zawng an fa nilo an enkawl char char dawn tihna a ni. A pawi thui hmaa an hrechhuak hlauh hi an vannei hle.