Mizo Elite News hi ṭha i tihzawng a nih chuan min lo Follow dawn nia

Damdawiin A A Naute Pianghlim An Ruk Leh Hralh Zui Tak Nen Mittui Tlachungin An Inhmu Leh

Chinese nupa te chu an naute pianghlim deuh chiah ruksak an nih vangin rilru na leh hrehawm takin an awm phah a, mahsela Police te puihna zarah dam takin an fa hi an hmu let leh thei.

Thil thlenna hmun chiah hi southern China a Yunnan province ah a ni a, nu in a naute a neih hnu lawk in a mut hlan te ah misual chuan a naute hi alo ruk sak daih.

July 5 khan People’s Hospital, Yunnan’s Weixi County aṭang a naute hi an ruksak. Police te hnena an hrilh hnu chuan team fawmkhawm in naute zawn hna hi an thawkzui nghal a ni.

A nu chuan hnute a pek hnu hian alo chhing san sek a, a ṭhangharh leh meuh chuan a naute hi a kiangah alo awm tawh lo a ti. Police te chuan zawn hna ngawrh taka an neih hnuah surveillance footage hmangin misual hi an hrechhuak.

Li tia koh chuan an fa hi damdawi in aṭang a lo ruksak a. Ruk mai chauh nilovin midang hnen ah a hralh zui bawk. A hralhna te nupa hi Luo leh Wang an ni a 50,000 yuan (£5,574) zatin naute hi an lo leisak a ni.

July 11 khan a nu leh pa dik tak te hnen ah hruai kir leh a ni a, naute nu pawh hian a fa hi nghet taka kuahin a fawp bawk a, a mittui a tla zawih zawih. A fa a hmu leh thei chu a hlim khawp mai.

DM