Mizo Elite News hi ṭha i tihzawng a nih chuan min lo Follow dawn nia

Damchhunga Nupa Ni Turin An Innei A, Ni 3 Hnuah Thihna Nunrawng In Inhmu Leh Tawh Lo Turin A Then Hrang

Thihna hi chu a nunrawng in a huatawm ngawih ngawih. Mihring te dan zawh theih rual lah a ni bawk silo.

Ben leh Jen Cooper te hi 2010 khan inhual tawh an ni a, mahsela an inneihna hi tikhaw tlai in chhungkaw harsatna neuh neuh vang ten innei thei lovin hun an hmang. Jen hian natna khirh tak Cancer natna chuan a tlakbuak tih hriat a ni.

Kum 11 zet an inhual hnu ah kum in November 17 khan Telford, Shropshire a Severn Hospice ah an innei. Nikum khan Jen, 43 hian hnute cancer a vei chu enkawlna a dawn hnu ah tha chhuakin lawmna te an buatsaih.

Amaherawh chu lockdown hma lawk khan cancer natna chu a vei leh tih an hrechhuak a, a zak hnuai ah chuan lump awm tharin Cancer natna bawk chuan a chimbuak leh a ni. A dinhmun chuan zual lam a pan zel vangin inneihna pawh chu a boral hma ngeia hman tur a ruahmanna an siam phah ta chuk chuk mai a ni.

Natna khirh takin a bawh bet chungin Jen hian mo kawr var mawi tak hachhuak in Ben chu pasal atan a nei. Mahsela nupa an nih hun chhung erawh a rei lo. An inneih atanga ni 3 na ah chuan Jen chuan a boralsan nghal.

Ben pawh in an chunga thil thleng chu an tawn tur a ni tih hre reng mahse an inneih atang ni 3 lekah a boral san ta mai hi tuar har a ti a, rilru na leh harsa tak chungin a nupui Jen chu a thlahliam.

Ben chuan November 27 zawkah inneihna hi neih tura an buatsaih mek laiin Jen dinhmun that loh zel vangin an duhai hma in an sawn ta zawk tih a sawi. Jen hian a pasal leh a fate 5 a kalsan a, Ben nen fa 3 nei hman in a pasal hmasa lakah fa 2 a nei bawk ani.