Mizo Elite News hi ṭha i tihzawng a nih chuan min lo Follow dawn nia

Dalit Tlangval Pasal Atan A Neih Vangin A Unaupa Ten An Tihlum

Delhi Police te chuan an unaunu ngei nunna laksak tu kum 32 a upa chu an man tawh a, a ruang hi Uttar Pradesh’s Mainpuri district a an chhungkaw farm ah chuan an phum tih hriat a ni bawk.

A unau ten an tihhlum tak hmeichhia hi a hming Chandni Kashyap a ni a, a pasal Arjun Kumar, 25 nen hian Trilokpuri, East Delhi ah an cheng dun a ni.

A pasal Arjun hi private firm ah hna a thawk ve a, mahsela Chandni Kashyap pasal Arjun hi Chandni chhungte hian an pawmpui lo va, a chhan pawh Arjun hi Dalit mi a nih vang a ni. Chhungten an duh lo em em chung hian Chandni hian pasal atan a nei lui tho.

Hei vang hian a unaupa te 3 Sunil (32), Sushil (28) leh Sudhir (26) te chu an lungawi lo hle. An farnu hi Delhi ah an hmu a, November 17 khan an chenna Mainpuri ah an hruai let. Police te sawidan chuan November 20 khan Chandni hi kahhlum a ni a, a ruang hi farm ah an phum bo tih an sawi.

November 22 ah a pasal Arjun hian Delhi Police ah complaint a theh lut. A nupui hi kidnap tiin a zual ko. Mayur Vihar police station ah IPC Section 365 (kidnapping) in case hi register a ni a,Mainpuri ah team te inthawnchhuak nghal in Investigation an neih chuan a unaupa te hian an farnu hi an lo that ngei a ni. Chandni hi an phumna atang a ruang phawrh lehin postmortem report an nghak.

Arjun hi a nupui nen hian kum 8 liam ta khan an in tawng a,June 12 khan Pratapgarh,UP ah an innei. Lower caste an nih vangin a chhungte hian makpa atan an duh lo hul hual a ni tih pawh a zep lo. Delhi a chhuahsan hnu ah a nupui nen hian an inhnaih thei tawh lo a,a nupui chanchin a zawh piangin a chhungten an chhan dan a in ang lo vek. “A then in a intihlum an tia, thenkhat in pasal dang a neih thu leh Delhi a a kir tawh thu ten min chhang” tiin a sawi.

India ramah chuan Dalit te hi an hnuaihnung hle a, deh leh tawk thiang lo hiala ngaiin chutiang khawp chuan hmuh hniam an ni thin.

Indian Express