Mizo Elite News hi ṭha i tihzawng a nih chuan min lo Follow dawn nia

Dalit Hmeichhe Pawngsual Rawn Leh Thahna Chuan India Ram A Luah Hneh, Police Ten An Remtihna Leh Hriatpui Lohin Ruang An Hal

India ram nge nge pawngsual ah na na na chuan thawm a nei ngah. A ni tel in pawngsual thuthang a thleng deuh reng ṭhin.

Dalit hmeichhe chunga pawngsualna rapthlak chuan India ram a luah hneh hle. Tuartu hmeichhia hi kum 19 lek a ni a, Dalit community a ni.

September 14 a Uttar Pradesh Hathras district a thleng a ni a, he hmeichhia hi upper caste ho mipa 4 rualin an pawngsual rawn a, an pawngsual bakah hian sawisa in hliam na tak nen an kalsan.

Hmeichhe chhungte hian hliam na tak tuar in an hmu a, saruak a awm in a zâng ruh te a tliah bakah a lei (tongue) te zai/tan sak a ni bawk. A nu nena ran chaw an lakna ah beih hi a tawk a ni.

A tirah Uttar Pradesh a damdawiin ah admit phawt a ni a,a dinhmun a zual leh hliam nasat em vangin New Delhi lamah an transfer leh. Chawlhkar hnih lai damdawiin a damchhuak tura a sual hnuin a hliam tuar lovin Thawhlehni khan Delhi’s Safdarjang Hospital ah a boral.

Zan lai velah ruang hi Uttar Pradesh a an khua an thlenpui. Mahsela Police lam in an remtihna leh hriatpui lohin ruang hi an hal ral luihsak nghal thawt thawt. Victim unaupa hian an la remti lo chungin ambulance in an hruai a, an hal ta a ti.

Senior district administration official lam in hmeichhe thi ta chhungte puhna hi dawt an ti thung a, an remtihna leh hriatpui a nih thu in an insawithiam. Local journalist Abhishek Mathur chuan a nu hian ruang chu in a lak a pangngai taka thlah a duh a mahse a ngenna chu phalsak a nilo a ti.

Ruang hal lai hian a chhungte hi inchhung ah lock an ni tih te sawi a awm a, victim unaupa chuan police officer te chu an chungah an hawihhawm loh thu a sawi “kan remtihna lovin ruang an la a ka nu leh pa te phalna leh hriatpui pawh nilo in an hal a ni. A tawp nan hmuh ve na hun pawh a awm lo” a ti.

Misual te hi man ni tawh mahse a hlimchhawn ah hma an la duh nghal mai lo a, thil thlen aṭanga ni 10 hnu ah pawh man an la nih loh thu a unaupa hian a sawi bawk.

Dalit Community hi India ram ah chuan a hnuaihnung hle. Dek leh tawh thianglo/tlaklo tih a ni ṭhin. He thil thleng avang hian buaina chhuakin kawng zawh hial a nih phah a,politicians leh activists bakah milar tam tak ten demna thu sawiin dikna an duh thu an auchhuahpui.