Mizo Elite News hi ṭha i tihzawng a nih chuan min lo Follow dawn nia

Cyberbullying Vangin Hmeichhia Kum 20 Leka Upa Chu A Nun Tihchhiatsakin Amah Leh Amah Intihlum

I ṭawngkam khat lek avang khan midang rilru nasa takin i hliam thei a, an nun zawng zawng i tichhe thei tih hre reng ang che.

He hmeichhia Penang a mi kum 20 a upa Thivyaanayagi Rajendran hian cyberbullying a tawh avangin a nun chu tihchhiatsak in a awm a, amah leh amah chu a intihhlum phah hial.

Thivyaanayagi Rajendran hi a thawhpui nen video sharing platform TikTok a mi chu Facebook User dangin an lo share sak a, nuihsawh leh deuh sawh zawngin an lo siam. “Joker Oruvan” tih Page chuan post in Bangladeshi nena in date leh a hmangaihna tawna a luanlian thu in an lo tarlan sak a ni.

Thivyaanayagi Rajendran hian Comment lamah nasa taka sel leh diriam a hlawh ta a, Police lam hnenah hian report an thlen. Page admin hnen ah remove tura an hrilh pawn remove a la ni ta chuang lo a ni.

Rilru hah leh hrehawm takin Thivyaanayagi hian hun a hmang a, a room ah tlan lutin a inkhung zui nghal. Phone pawh a chhan duh loh vangin a unaupa Taran chuan a room luhna chu tichhia in an va hmuh meuh chuan a lo thi tawh.

Ceiling fan ah chuan a inkhai hlum. Suicide Note a hnuchhiah ah chuan a hming leh a chhungkaw hming tih hmelhem a nih vangin hrehawm a tih thu a sawi a, a chhungte hnen ah chuan zahna a siam avangin ngaihdam a dil.

Thivyaanayagi hi a bialpa nen inkawp in kum 3 lai an inzui tawh a,December ah innei tura ruahmanna an siam nghe nghe. July thla ah kum 21 a tling dawn chauh leh nghal. A thihna chungchangah hian a chhungte chuan rorelna dik an phut a ni.

Ref : FMT