Mizo Elite News hi ṭha i tihzawng a nih chuan min lo Follow dawn nia

Croatia Tan Vanduaina Thuah Hnih Thleng

Coronavirus vanga khawvel ram hrang hrang in buaina an tawh mek ah Croatia pawh hi a tel ve a, Virus vanga ram leh a chhung a chengte an mangan em em tawh laiin vawiin khan vanduaina thuah hnih na an tuar.

Vawiin Pathianni khan Croatia capital Zagreb ah an ram sana 6.23am local time (0523 GMT) vel khan 5.3 magnitude a na in lir a nghing. Lirnghing hian building tichhia in building chim hian car te a delh chhe nasa hle a ni.

Thu buatsaih lai hian nunna chan tarlan a ni rih lo a, kum 15 a upa chu a ngaihtuahawm hle niin an sawi. city’s cathedral chhip te pawh a tliak a, kawngah Building chim te hi a let rem rum mai.

Croatia hian Coronavirus ah 200 chuang vei a nei mek a, khuahkhirhna an neih mek laia chhiatna dang an tawng hi an khawngaihthlak hle. Mipui te pawh inhlat thei ang bera awm turin an inngen lawm lawm a, inawmhnaih lo tura hriattir an ni.

He lirnghing hi kum 140 chhunga Croatia in lirnghing a tawrh nat ber ṭum an ti. Interior minister, Davor Božinović chuan an ram in a hun tawn mek chu a manganthlak hle tih a sawi hial.