Mizo Elite News hi ṭha i tihzawng a nih chuan min lo Follow dawn nia

Cristiano Ronaldo Record chu Guinness World Record in a pawmpui

Khawvel Footballer piang tawh zinga hming dai tawh lo tur Portugal fa chuam Cristiano Ronaldo chuan a career ah hlawhtlinna ropui tak changin World Record a siam ta.

Kum 36 a upa Ronaldo hi World Cup qualifying ah Ireland nen inhmachhawn in Ronaldo Goal 2 khung hmangin Portugal in Ireland an hneh a. He Goal hnih hi Portugal tan chakna satliah mai a nilo. Football khawvel ah mellung pawimawh tak phunin ram tana Goal khung hnem ber Record a siam zui phah a ni.

Ronaldo hian Goal 2 a thun khan International Match ah Goal 111 a khungna chiah a ni a, ram tan a Goal thun hnem ber ni lai former Iran striker Ali Daei a khum.

Iranian legend Ali Daei hian 1993 leh 2006 inkar khan ram tan Goal 109 thunin International Match a Goal khung hnem ber niin Ronaldo hian kum 15 hnu ah Goal 111 (2003 – 2021) in Ali Daei record siam hi a luah lan ve leh.

Guinnes World Record chuan Ronaldo mellung pawimawh tak phun hi an pawmpui thlap tawh a, Certificate hlanna an nei tawh bawk.