Mizo Elite News hi ṭha i tihzawng a nih chuan min lo Follow dawn nia

Cristiano Ronaldo leh Georgina Rodriguez ten chanchinthar lawmawm an nei

Footballer piang tawh zinga chuai tawh lo tur Cristiano Ronaldo leh a kawppui Model, Georgina ten chanchinthar lawmawm tak an nei a, tunah hian nau an pai leh mek.

Naute hi pakhat mai nilovin phir (twins) an pai mek a, thla 3 a upa a ni tawh bawk. Ronaldo leh Georgina hian baby scans thlalak keng chungin phur takin naute phir an beisei mek thu leh hmuh hlan an nghahhlelh hle thu an sawi.

Tunah hian Ronaldo hian fa 4 a nei mek a, an zinga pahnih hi surrogate kaltlanga a neih a ni. 2017 khan Ronaldo chuan fa 7 neih a duh thu alo sawi tawh a, hei hi puitlin ngei pawh a tum a ang hle.

Ronaldo hi Cristiano Jr, 11, phir Eva leh Mateo, 4 bakah Alana Martina, 3 te pa a ni mek a, Georgina nen hian kum 2016 khan Madrid a Gucci store atang inchhar in tun thlengin tluang takin an la inkawp chho ta zel.