Mizo Elite News hi ṭha i tihzawng a nih chuan min lo Follow dawn nia

Cristiano Ronaldo leh Georgina Rodriguez ten an fa piang tur te nihna (Gender) an puang

Manchester United star, Cristiano Ronaldo leh a kawppui Georgina Rodriguez te chuan tunah hian naute an beisei leh mek tih hriat a ni a, Ronaldo hian Ningani khan a Social Media kaltlangin a fa piang tur te nihna (gender) chu special takin a rawn puangzar.

Video ah hian a fate 4 chuan Ballon pahnih an keng a, ballon pahnih te hi hawlh keh ve ve in chuta tang chuan thil mawi chehnawi pink leh blue confetti a awm. Mipa lam atang rawng pawl hi chhuak in hmeichhe lam atang hian a senno rawng a rawn tla sep sep thung.

Hemi awmzia chu Ronaldo te hian phir mipa leh hmeichhia an nei leh dawn tihna a ni a, a pawl hian mipa entirin a senno hian hmeichhia a kawk thung ani.

Ronaldo hian tunah hian fa 4 a nei mek a, a fate zingah hian phir Eva Maria leh Mateo te hi surrogate kaltlanga a neih an ni. A fa hmasa ber Cristiano Jr., 11 hi a nu hriat a nilo a, Georgina nen hian fanu kum 4 mi Alana Martina chauh an la nei.

Georgina Rodriguez hian an fa 4 te hi hmangaih takin a thisen zawm ang chiahin a enkawl vek hlawm. Tluang tak leh tha te a fa an nei thei a nih chuan Ronaldo hian fa 6 a nei tawh dawn tihna a nih chu.

Ronaldo leh Georgina Rodriguez te hi 2016 atang daih tawh khan inkawp tawh mahse tun thleng in an la innei lo. An inzui rei tawh ngaihtuah a an la innei lo hian mak tih pawh a hlawh viau thin reng a, mahsela nupa ang chiaha awm in an cheng dun reng tho a ni.