Mizo Elite News hi ṭha i tihzawng a nih chuan min lo Follow dawn nia

Cristiano Ronaldo Jr pawh in Manchester United academy a zawm fel, a pa Jersey chuam No 7 a ha ang

Kum 11 leka upa Cristiano Ronaldo Jr chuan a pa hnung zuiin Manchester United ah official takin a lut ta a, a pa Jersey number chuam Jersey No.7 ha turin a thlang bawk e.

Cristiano Ronaldo Jr hi Old Trafford ah a pa Ronaldo Sr a kir leh hnuin club academy tan a khel ve fo a, a pa ang chiah a mite ngaihven hlawh ni chho in tun ah chuan official takin United nen professional deal an sign dun ta riap ani.

Cristiano JR in United a zawm thu hi a academy starlet Gabriel chuan Instagram ah an pahnih a Jersey an pawt pharh lai thlalak a post. Ronaldo fapa hi hriat theuh angin a pa enkawlna tha tak hnuai ah a seilian a, Social Media engmah ala khawih loh bakah mimal in phone pawh a la neilo.

Georgina Rodriguez chuan a fapa (son-in law) in club a zawmna thlalak hi phochhuakin a suangtuahna thlenpui turin leh a hmangaih thu in ‘Pursuing our dreams together. Mom loves you.’ tiin caption a dah.

Ballon d’Or winner vawi 5 hial dawng tawh tu Ronaldo hian a fapa hi amah anga football luhchilh turin a nawrlui ngai lo a, a kawngzawh ang zawh tir phet a tum hek lo. A duhthlanna siam ah a zahsak thu Netflix docuseries ah a sawi tawh. “Ka nawrlui ngailo. A duh apiang ti rawh se” tiin a fapa duhthlanna leh thutlukna siam ah chuan thlawp zel a tum tih a sawi ani.