Mizo Elite News hi ṭha i tihzawng a nih chuan min lo Follow dawn nia

Cristiano Ronaldo fa ten Manchester ah zirna run an bel ta

Pa ber Cristiano Ronaldo chu a eizawnna kawnga Manchester United a pan a ngaih vangin a fate nen Turin, Italy atang North of England lam ah inbenbel a tul leh ta.

Juventus forward hlui hi Manchester United a pan hnu ah a fate pawh in Manchester ah zirna run belin School thar ah an lut. Nu ber Georgina Rodrigiez chuan an fate 4 School kal ni hmasa ber thlalak hi Instagram ah a post a, thlir an hlawh leh cher cher viau a ni.

Portuguese superstar fate 4 Cristiano Jr, 11, phir Eva Maria & Mateo, 4 leh Alana Martina, 3 te hi Uniform in ang inbel thap in Manchester a nun bul thar an tan tur thlalak ah hian hmuh an nuam khawp mai.

Ronaldo fapa upa ber Cristiano Jr hi 2010 ah piangin surrogate kaltlang a a neih a ni a, Cristiano Jr pian atang kum 7 hnu ah United State ah surrogate vek in phir a nei leh. Tuna a kawppui Georgina Rodriguez nen hian Alana Martina chauh hi an pahniha an fa a ni.

Kum 36 a upa Ronaldo hian zan in hian a Club thar tan khelmual ah Newcastle nen an inhmachhawn. Manchester ah hian nuam tawla Vacation hmang mai mai turin hun a nei lo a, Club tan theihtawp chhuaha hnehna chan ngei chu thil pawimawh hmasa a nih thu a sawi.