Mizo Elite News hi ṭha i tihzawng a nih chuan min lo Follow dawn nia

Cristiano Ronaldo Chuan Buaina A Hmachhawn Thei Dawn Tlat, A Chungchang Chhuizui Mek A Ni

Goal 800 khung tlingin mellung pawimawh leh chhinchhiah tlak tak a phun mek a, mahse harsatna dang in Cristiano Ronaldo chu a bawhbuai leh dawn a ang hle.

Khawthlang media te tarlan danin Ronaldo hi Juventus atang a Manchester United a zawmna chungchang ah sum lamah thil felhlel leh dik tawk lo a awm nia hriat a nih thu an puang a, Italian prosecutors ten thil thleng hi an thlithlai mek tih an sawi

Kar kalta khan Turin prosecutors chuan Ronaldo hralhchhuah ah hian sum felhlel a awm niin an sawi a. He thil ah hian Juventus Club leh senior managers dang Chairman Andrea Agnelli leh Vice President Pavel Nedved te lakah investigation an kalpui a ni.

Juventus hian investors te hnen ah thu diklo an hrilh an ti a. Kar hmasa vek Italian financial police chuan Turin leh Milan a club offices te enfiahin 2019 leh 2021 inkara player transfers document kaihhnawih thil Player contracts, invoices leh financial statements te finfiahna atan an la tih Independent in a puang.

Hriat theuh angin Cristiano Ronaldo hi kum in August thla ah Juventus chuan 23 million euros a inrem na in Manchester United lam an pan tir.