Mizo Elite News hi ṭha i tihzawng a nih chuan min lo Follow dawn nia

Cristiano Ronaldo an Hotel thar a hawng

Portugal fa chuam Cristiano Ronaldo (kum 36) chuan infiamna huangchhung ah chauh nilo khelmual pawn ah a lalram a zauh belh mek zel a, New York ah Hotel thar a hawng leh ta.

Ronaldo hotel thar hi New York khawpui ah pawh a lunlai tak mai Times Square ah a ni. Nilaini khan Ronaldo chuan a hotel thar hawn a nih thu hi a rawn puang a, a hming atan Pestana CR7 hotel tiin a vuah.

Khelmual atang ringawt lo pawh in Ronaldo hian sum lakluhna peng hrang hrang a nei thluah a, tuna a hotel thar bakah hian Madeira, Lisbon leh Madrid ah te Hotel a nei tawh bawk.

New York a hotel thar a hawn ah hian room tin ah Espresso makers, refrigerators, USB ports, HD-TV leh Wi-Fi te dah a ni a, a thlen man erawh a tlawm lem lo hle. Hotel’s official website in a tarlan dan chuan zan khat thlen man ringawt hi £117 a ni hem mai a, mahsela Pestana guest club members te tan chuan discounts a awm thung.

Heti zat hotel a nei tawh chung pawn huang zauh zel a la tum cheu, kum 2023 lamah Manchester khawpui ah luxury hotel hawng leh turin ruahmanna a siam. Ronaldo hausakna hi $500 Million vel anga tarlan a ni.