Mizo Elite News hi ṭha i tihzawng a nih chuan min lo Follow dawn nia

Cristiano Ronaldo a’n Euro lam hawi tawh lovin a chhungkua te nen chawlh an hmang

Footballer, Cristiano Ronaldo chuan a bialnu Georgina Rodriguez leh a fate hruaiin Majorca lam ah luxury yacht trip neiin chawlh an hmang ho daih.

Portugal legend hian a kawppui leh a fate 4 Cristiano Jr, Eva, Mateo leh Alana Martin te nen an thlalak chu Instagram ah a post a. Nuamtawlna lawng chungah chhungkua in an awm khawm dial dial a ni.

Thlalak hi Caption ah a hmangaih te kianga chawlhhahdamna hun tiin “It’s time to rest with my loves.” a dah. Ronaldo hi Belgium ram in an pet thlak atang Euro lam a hawi vak tawh lo a ni ngei ang.

Mahsela a fans te tan erawh a lunghnur thlak em em hran loh. Ballon d’Or winner vawi 5 lo ni tawh tu hi Juventus tan Serie A ah hmuh a ni leh ang.

Chhungkua a chawlh an hmanna lawng hi 88-feet zeta sei Azimut Grande ngei mai kha a nih hmel a. June thla khan Ronaldo hian a hman turin a lei hmiah. He lawngah hian luxury cabins 5 leh bedrooms 6 zet a awm a ni.Azimut Grande a lei hma chuan charter company atang chawlh hahdam nan Africa I yacht a hmang hawh thin.

Tualchhung Media te tarlan dan in Cristiano, 36, leh Georgina, 27 te hi tunah northern Majorca ah an fate nen hian rented house ah an cheng mek an ti. Juventus star hian Majorca hi a ngaina viau a ni ang nikum pawh khan summer holidays hman nan alo thlang tawh bawk.