Mizo Elite News hi ṭha i tihzawng a nih chuan min lo Follow dawn nia

Cristiano Ronaldo a’n a fapa kum 11 a upa Phone a neih tir duh loh chhan a sawi

Sum leh pai zawng ah chuan a leina tur chu a nei zo meuh mai. Hman sen loh pawh a lei thei. Mahse Cristiano Ronaldo hian a fapa hi a enkawl tha hle a, milar fa dang ang a khawsak tir a duh lo.

A fapa upa ber Cristiano Jr pawh tunah kum 11 a upa a ni ve tawh a, rawlthar nun a temchho tan ve mek. Amaherawh chu Cristiano Jr hian a pa Ronaldo hi hausa viau mahse ama pualin Phone ala nei miah lo. Hei hi a pa in a phal sak loh vang ani.

Ronaldo hi hmanni khan a chhungte nen Dubai ah chawlh an hmang a, hetah hian Al Wasl Plaza ah Globe Soccer’s Top Scorer of All Time award hlan ani. He hun ah hian technology chungchang a sawi.

A fapa Cristiano Jr chuan kum 12 a tling tep tawh a, a hnen ah Phone a ngen zing hle tih a sawichhuak. Mahse kum naupang te a technology in run a, a rilru kaptu leh vei tirtu ani ang tih a hlauh vangin a fapa hi phone neih tir a la remti lo tih a sawi ani.

A fapa in phone a ngen chang chuan “Cristiano, hun ila ngah lutuk” tiin a chhang thin. Tunlai thang thar te chu a hrechiang a, hma hun ah thil tam tak hmachhawp an neih thu a sawi a, advantage ah lo la pawh nise a pawm thlap. Amaherawh chu technology hi an rilru ah dah lian in an vei ber tur anilo ati.

Hman tir in khawi tir rawh se a pawilo. Mahse an hman tir a nih pawn hun bi siam sak sela, an hun neih zawng zawng ah hman tir reng loh tur tih a sawi bawk.

Kum 2017 pawh khan Ronaldo hian a fapa in a biak theih nan iPhone neih a ngen chu a remti lo tih alo sawi tawh a. A fapa hnen ah a duh a nih chuan a pi phone a be turin a hrilh. Thil eng pawh a duh a piang hi awlsam taka neih theih ngawt a ni lo tih zirtir a duh a, Education chu a thil pek theih hlu ber tiin alo sawi ani. A va fakawm em.