Mizo Elite News hi ṭha i tihzawng a nih chuan min lo Follow dawn nia

‘Crash Landing on You’ Stars Son Ye-Jin leh Hyun Bin ten an inneih tur thu an puang

A tawp ah chuan Son Ye-jin leh Hyun Bin te chu nupa an ni dawn ta ngei e. ‘Crash Landing On You’ stars te chuan nimin Ningani khan an fans te hnen ah thu thar lawmawm tak hriat tirin an inneih tur thu an puang.

Son Ye-jin hian an chanchin thar hi Instagram kaltlangin lungkuai takin a puang a. Wedding dress te tak te chu post in a nunah mi pawimawh tak leh a thawk tawp thlenga a hmanpui tur a tawng tih a sawi. A hmangaih tak nen hringnun kawng zawh dun chu a nghakhlel hle a, duhsaka lawmpui tu zawng zawng te hnen ah thinlung takin lawmthu a hrilh bawk.

Hyun Bin erawh chuan an inneih tur thu hi a agency, VAST te post siam kaltlangin a nemnghet ve thung. Korea Media te tarlan danin inneihna hi March thla hian Seoul ah an hmang ang a, private ceremony a inneihna hi hman a ni dawn ani.

Son Ye-Jin leh Hyun Bin te pahnih hi an inzuina pawh a rei tawh hle a, kum 1 chuang chu an inkawp tawh. January 1, 2021 khan Dispatch Korea ten an inkar a hmangaihna awm hi an hailan sak. Dispatch te thuchhuah hnu ah Son Ye-jin ngei hian pha buai lovin a nemnghet zui ta ani.

‘Crash Landing On You’ a an chandun hnu ah an inkar ah hian hmangaihna chu a piang chho a, he Tv Show hi December 2019 leh February 2020 inkara chhuah niin South Korea bakah khawvel puma K-dramas hlawhtling ber a ni pha hial.

Son Ye Jin hi upcoming drama ‘Thirty-Nine’ a chang leh tur a ni a, Hyun Bin hi ‘Harbin’ movie ah a inlan ve leh bawk ang.