Mizo Elite News hi ṭha i tihzawng a nih chuan min lo Follow dawn nia

Covid19 Veite Enkawl A Ngaih Vangin A Pi Hun Hnuhnung Ber A Vuina Ah Pawh A Inlan Thei Lo

India ram zawng hripui thawh hnihna avangin a buai mup mup a, chanchin lawmawm reng reng a nei thei lo a ni ber.

Hrivei te enkawl in damdawi lam thiam an buaiin an indaih lo tak zet tawh. Delhi’s All India Institute of Medical Sciences (AIIMS) a nurse pakhat chunga thleng pawh hi a khawngaihthlak hle.

He nurse kum 33 mi Rakhi John hi a hmangaih em em leh a hringtu nu ang mai a a lo en thin a Pi chuan April 2 khan Kerala’s Thiruvananthapuram Medical College ah a boral san a, a pi hun hnuhnung ber a vuina ah Rakhi hi inlan tur ni mahse Covid19 hrivei te enkawl a ngaih vangin a duty a tul si a, hei vang hian a pi thlahna ah a tel ve thei lo a ni.

Hrivei mi eng emaw zat an awm mek a, a mimal thil tul pawh dah pawimawh hmasa thei lovin midang nunna chhan in hun a lo hmang zawk. India Today hnen ah chuan “Amma nena kan inlaichinna hi a thuk tak zet a, kum naupang te ka nih ah ka nu hian min boral san a, hriat pawh ka hrechiang hman lo. Ka tette atang ka pi hian a fa ang maiin min enkawl seilian a ni” tiin a sawi.

A pa hnen atang a pi boral thu hi a hria a, tel ve chu a duh viau nachungin midang hnuk chat lek lek enkawl tur an awm si vangin a hawisan thei lo a ni. A hmakhua ngai hauh lova midang chhan nana a inhlanna hi a ropui tak zet.