Mizo Elite News hi ṭha i tihzawng a nih chuan min lo Follow dawn nia

Covid19 Vei Hmeichhia In Him Dam Takin Fapa A Nei

Singapore a mi hmeichhe pakhat a fa pahnih pai mek chuan March thla khan Covid19 a vei tih hmuhchhuah a ni. Mahsela November thla khan hri laka him dam in fapa duhawm tak a hring tih hriat a ni.

Celine Ng-Chan, 31 hian hri vei reng chung a naute him taka a neih thei hian mak tih pawh a hlawh hle. Paediatrician pawh in Celine Ng-Chan hian a fa ah hian hri hi a kaichhawn ve mai a lo ring tho bawk a, amaherawh chu chutiang thil engmah a thleng ta lo hlauh.

Nau a neih hma in Ng-Chan hi Covid-19 vang hian damdawiin ah chawlhkar 3 lai enkawl a ni. Nu in a rai lai in a naute ah hri hi a hlanchhawn theih leh theih loh chungchang ah hian World Health Organization (WHO) pawhin evidence chiang leh mumal tak a awm lo tih a sawi.

Naute hnaih lam fluid samples ah chhul leh hnute tui ah te virus hi hmuh nia hriat a la awm lo anga tarlan a ni a,JAMA Pediatrics chuan Covid19 infection hi nu in a naute a a hlanchhawn chu thil thleng khat tak a ni a ti ve bawk.