Hripui len lai lai in a sual pawl tawk an lo awm ve reng bawk a, a then in an hur luat avangin hripui meuh pawh in a khap dai thei tawh lo.
India ram Bihar khawpui Patna a damdawiin a Covid vei enkawl lai kum 45 chu damdawiin hnathawk tu mi 3 in an pawngsual rawn tih hriat a ni.
May 15 ah Covid symptom a neih hnu in Paras HMRI Hospital ah admit a nia. May 16 a ICU ah a awm laiin Hospital thawktu dang te hian an sual rawn tih a fanu in a sawichhuak.
A fanu chuan a nu hriselna hi a hma zawng pawn a pangngai a, May 15 khan damdawiin ah amah ngeiin a kal a ti. A nu ngei hian a chunga thil thleng hi a hrilh thu pawh a sawi a ni.
Hospital administration ten ventilator hman ngei a ngai a ti a, form ah a signature an la bawk. Doctor te chuan ventilator a hmang lo a nih chuan a nunna tan a hlauhawm thei tih an sawi. Mahsela a nunna a chan ta tho.
Doctor te hian a nu in Police a statement a pek theih loh nan an la hrang in a ring a, thil thleng hi Jan Adhikar Party (JAP) ah a thlen. M.L. Khan, the Duty Magistrate of Patna chuan hospital te laka complaint an dawn hi bawhzui in ruang pawh endik a nih tur thu a sawi. Hri vang nge nia pawngsual vanga thi tih hi hriatchian ngei an tum.
India ram hi khawvel ram dang te nen khaikhin in pawngsual hluarna ber ram kan ni.