Mizo Elite News hi ṭha i tihzawng a nih chuan min lo Follow dawn nia

Covid19 Vangin Nurse Pakhat In Nunna A Chan Leh Tawh

Medical lam te tan pawh enkawltu nih a hlauhawm tih hre sa reng chungin huaisen takin an nunna thap in hri kai an enkawl a, chawimawi leh fak hi an va phu em.

Kum 47 mi Filipino nurse pawh coronavirus vangin a nunna a chan ve leh ta a, Britain a 32 frontline NHS workers boral zingah a tel. Khawvel pum ah Medical lam a mithiam tak tak in nunna an chan nual tawh a ni.

Leilani Dayrit hi Rugby, Warwickshire a St Cross Hospital ah a thawk a, April 7 khan Covid19 hian a nunna a laksak. Amah hi ‘Mummy Lei’ tiin a hming an phuahsak nghe nghe.

Leilani Dayrit hi midang te tana inpum pek tak a ni a, midang te ah beiseina tuhsak thiam tak leh mahni hmasial lo a nih thu an sawi. Kum 16 lai NHS ah hian hna a thawk. Funeral fund atan crowdfunding page siam in £11,000 chuang hmuh a ni tawh. Mrs Dayrit hian a pasal leh fanu te a kalsan.

DM