Mizo Elite News hi ṭha i tihzawng a nih chuan min lo Follow dawn nia

Covid19 Vangin Nurse A Boral, A Thawhna Ah PPE Tlachhamin Mahni A In Lei Chawp Tura Tih An Nih Thu A Chhungten Sawi

Andrew Nwankwo, 46 hi Chelmsford a Broomfield Hospital ah May 16 khan Covid19 vangin a boral ve leh a, a thihna chungchangah hian a chhungten PPE tlakchham vangah an puh.

Andrew Ekene Nwankwo hi locum nurse a ni a, hetia a damloh hnu hian damdawi in ah ventilator nen chawlhkar 5 lai hun a lo hmang a, mahsela vanduaithlak takin a damchhuak zo ta lo.

A thihna chungchang ah hian a chhungte chuan PPE pek a nih loh thu an sawi. Mahni a ebay a inngaihtuah chawp tura tih a lo ni awm e.

Andrew unaupa Tochukwu Nwankwo, 45 sawidan chuan a hnen ah Andrew hian personal protective equipment a awm ṭha tawk lo a, mahni a inzawn leh inlei chawp a ngaihthu a lo hrilh a ti a ni.

Chelmsford, Essex a Broomfield Hospital lam spokesperson chuan Andrew Ekene Nwankwo chhungten a hospital laka an lungawi loh chungchang ah hian an insawi fiah a. PPE tlachham lutuk anga an sawi chu dawt an ti thung.

“Hospital ah hian PPE lamah tlakchhamna a awm lo” an ti ve tlat. Andrew hi NHS ah hian kum 10 chuang a thawk tawh.

April 4 daih khan Covid-19 symptoms hi a nei tawh a, self-isolation ni mahse ṭhat lam aiin zual lam a pan zel zawk a ni. April 18 kha a nupui nen an inneih kum 10 na champha a ni a chu pawh chu a hmang thei ta lova Andrew hian a nupui leh a fanu pahnih te a kalsan.

DM