Mizo Elite News hi ṭha i tihzawng a nih chuan min lo Follow dawn nia

Covid19 Vangin A Fanu Pawh Pawm Hman Lovin A Boral San, Video Call Chauh Chu A Fanu A Hmuh Theih Dan Awmchhun A Ni

Tawrhthiam a va har dawn tak em. He hripui nunrawng leh hnawksak tak hian chhungkaw inhmangaih lai mi engzat chiah nge a pawh then tawh.

Whittier, US a mi nu pakhat Vanessa Cardenas Gonzalez chunga thil thleng hi a rilru natthlak khawp mai. Vanessa hian hripui Covid19 a vei tih hriat a nih hnu in fanu a hring a, mahsela a fanu nen hian thenhran nghal an ni. Pawm pawh a la pawm hma hauh in a fanu chu damchhunga inhmu leh ngai lo turin a mangtha a tul zui phah.

COVID-19 a Positive tih hriat a nih atanga ni 5 hnu November 9 khan fanu duhawm tak Heaven a hring. Hospital a mi te chuan hri laka a him nan Heaven hi pawm leh kuah an khap sak bur a, a kiang atang lakhran a ni nghal a ni.

A pasal Alfonso chuan a nupui leh fanu te hi Whittier a an chenna ah a hruai haw a Room hran ve ve ah dah hrangin an inhmuh theih dan kawng awmchhun chu Video Call chauh a nih thu a sawi. Alfonso chuan khatia an nufa a then hran a tul ta kha atan pawh thil hmuh harsa tak a nih thu leh a nupui in Video Call a a fanu hmel hmu a a mittui a luang lai te chu thlir hrehawm a ni tiin NBC Los Angeles te alo hrilh hial.

Hripuiin kianzai a relsan hunah Vanessa hian a fanu chu a kut ngeia a pawm leh ngei theih beiseina nen hun tha inherchhuah hun chu a nghak ve hram hram a, amaherawh chu engtik ah mah chu chu a thleng ngai dawn lo. Fanu a neih hnu rei lo ah heart attack vangin UCLA Medical Center ah hruai luh leh nghal a ni a Doctor te chuan COVID-19 complications an puh.

Thla khat dawn enkawlna a dawn hnu ah Vanessa hi a boral. A fanu bakah hian a pasal leh fapa 2 te a kalsan bawk. An chhungkaw thian hnai tak te chuan Alfonso leh a fate 3 in enkawlna tur hian GoFundMe Page an siam sak a $15,440 lai sum hi an hmuchhuak tawh a ni.