Mizo Elite News hi ṭha i tihzawng a nih chuan min lo Follow dawn nia

Covid19 Vanga Nunna Chan Upa Ber, Khawvela Mihring Dam Rei Ber?

Malaysia a Sabah a khawsa foreigner Talib Omar chu November 28 khan Covid19 vangin a boral a, a ni hi hripui vanga nunna chan zingah a khawvel huapa upa ber anga ngaih theih a ni bawk.

Amah hi kum 130 a upa nia sawi a ni a mahsela Health Director-General Tan Sri Dr Noor Hisham chuan official takin identity documents a awm lo a, a chhungkua leh local authorities te chhalna mai chauh a ni a ti.

Talib Omar hi a chhungte lam in a kum an sawi zat kum 130 hi a dik a nih ngat chuan Covid19 vanga nunna chan upa ber a nih bakah khawvel huapin global records a damrei ber a ni thei ang.

Guinness World Records a khawvel mihring zinga damrei ber a sawi official record chelh tu chu Arles, France a mi hmeichhia Jeanne Louise Calment a ni. 21 February 1875 ah piangin 4 August 1997 khan kum 122 a upa in a thi.

Talib Omar boral thu puan a nih hnu khan mitam takin a kum zat hi an ngaihven nghal hle a, kum 130 a upa a ni reng em tih zawhna tam tak an nei. A fapa Kimri Talib,49 chuan doccument atang a pa hi kum 130 a upa a nih ngei thu leh Taman Telipok Ria ah a khawsak thu huai takin a sawi a ni.

A boral thleng khan amah ah symptoms engmah a langchhuak miah lo a, thutna a thu tura a tanpui hnu lawkin a hnuk a chat zui. Police lam te hnenah hriattir nghalin swab test an neih ah Covid19 alo vei reng a ni tih hriatchhuah a ni chauh.

WOB