Mizo Elite News hi ṭha i tihzawng a nih chuan min lo Follow dawn nia

Covid19 Vanga Nikhawhrelo a Awmin A Harhchhuah Leh Meuh Chuan A Nu Te Anlo Thi Vek Tawh

Hripui rapthlak leh huatthla la awm tak chuan nunna a la lakbelh chhunzawm zel a, inhmangaih tak te chu thihna avangin a inṭhen tir.

Edinburgh a mi Scot Miller, 43 chunga thil thleng hi a rapthlak khawp mai. Hripui vangin ICU ah a awm a, dam leh thi thei dinhmun ah a lo ding.

Covid19 vang hian a thi lek lek ṭep a Intensive Care ah nikhawhrelo a hun eng emaw chen awm in damdawi lamthiam amah enkawl tu te pawh an beidawng hman deuh tawh.

Nikhawhrelo a chawlhkar 3 lai a awm hnu ah a harhchhuah leh meuh chuan thil tam tak a thleng a, an chhungkua ah amah deuh chauh chu dam awmchhun a ni tih a hrechhuak.

Khatia rei tak nikhawhrelo a a lo awm lai khan a nu kum 76 a upa leh a kawppui kum 69 mi te chu an lo thi fel der a, a hriatloh hlan in khawvel an lo chhuahsan. Amah chauh chu damchhuak a ni.

Edinburgh Royal Infirmary ah enkawl an lo ni ve ve bawk. Mahse Scott hi coma a awm in engmah a hre lo. A harhchhuah hnu chuan a chunga thil thleng chu BBC hrilhin pawmthiam pawh harsa a ti viau. Amah leh a chhungte chunga thleng aṭang he hripui Covid19 hi palzam leh zuam ngawt chi a nilo a hlauhawm tak a nih thu midang te hnenah a chah mawlh mawlh bawk.

Standard