Mizo Elite News hi ṭha i tihzawng a nih chuan min lo Follow dawn nia

Covid19 Vanga India Ram A Buai Pherh Hle Laiin Natna Thar Hlauhawm Dang Hmuhchhuah Leh A Ni

India ram in hripui Covid a hmachhawn mek a, khawvel huap ah pawh a tuarna ber ram ah kan awm mek. Mi eng emaw zat in nunna chan tawh in an la chan belh chho zel bawk a, hetih lai hian natna thar dangin India ram hmun hrang hrang a chiahpiah leh tan mek.

Covid19 ang mai a hlauhawm black fungus/mucormycosis chu India ram hmun thenkhat ah vei hmuhchhuah an ni a,he natna hi India ram State 11 ah hmuhchhuah a ni tawh.

Assam, Tamil Nadu, Gujarat,Maharashtra,Odisha, Karnataka,Bihar leh Delhi vel ah hmuh a ni. Maharashtra chu black fungus/mucormycosis natna tuarna ber an ni mek a, mi 1500 ten an vei tih hmuchhuak tawh in nunna chan pawh 90 an awm tawh.

Mithiam te sawidan chuan Covid19 vei dam tawh ten an vei a, Covid19 nen a in an na pawh Chuap (lung) a khawihchhe thin. He natna hian India ram hruaitu te lu pawh a tihai chho leh tak zet.

Black fungus/mucormycosis pawh a hlauhawm em em tawh lai hian a aia hlauhawm a sawi white fungus pawh a hluar chho leh mek. white fungus hi Patna, Bihar ah hmuhchhuah a ni tawh.

Paras Hospital a senior consultant & head respiratory medicine/pulmonology, Dr Arunesh Kumar chuan white fungus hi black fungus aiin a let in a hlauhawm zawk thu a sawi. Natna hi immunity hniam ten an vei awl a,CT-Scan leh X-ray atang ten hmuhchhuah an ni. Chuap a khawih mai bakah hian tin,vun, pum,kal, thluak, private part leh ka te khawihin a natna langchhuak.