Mizo Elite News hi ṭha i tihzawng a nih chuan min lo Follow dawn nia

Covid19 Vaccine A Lak Hnuah Manipur Health Worker A Thi

Hmeichhia kum 44 a upa Manipur’s Bishnupur district a Kumbi a mi anganwadi worker,Wahengbam Sundari Devi chu COVID-19 vaccine a lak atanga chawlhkar khat lek hnu ah Zirtawpni khan a boral tih hriat a ni.

Thu dawn dan in February 12 khan Wahengbam Sundari Devi hian Covid Vaccine dose 1 hi a la a, Vaccine a lak hnu ah khawsik leh allergies te a nei chho tan niin a chhungte chuan an sawi.

Mahsela hetia insawiselna a neih hnu pawh hian side effects chu a nih dan tur pangngai angin ngaihsak a ni. Chuvangin damdawiin ah pawh endik tura kal buai lovin local pharmacy atang damdawi leiin a ei ringawt.

Thawhlehni khan Devi dinhmun hi a zual tawh a Zirtawpni khan CHC, Moirang ah admit a ni. Mahse a dinhmun in that lam ai a zual lam a pan zel vangin Imphal a damdawiin ah an refer. Thawk lamah harsatna a neih bawk vangin Imphal lam hi thlenpui theih a nilo.

Ventilator hmanga enkawl a nih hnu in February 19, dar 6:45 am khan a boral tih an puang. Devi hian a pasal leh a fate pathum a kalsan a ni.

Devi chhungte chuan Vaccine lak hma in Doctor duty hnen ah Asthma vei thin a nih thu leh allergies a neih thin thu te a hrilh tih an sawi a. Mahse an lo ngai pawimawh duh lo.

Devi thihna ah hian The Anganwadi Workers and Helpers Union of Manipur te an lungawi lo a,Chief Minister N Biren Singh hnen ah memorandum submit in Devi chhungte hnen ah compensation atan Rs 50 lakh an phut. Union te hian compensation hi Devi ruang vuiliam a nih hma ngei a pe turin an ti bawk.