Mizo Elite News hi ṭha i tihzawng a nih chuan min lo Follow dawn nia

Covid19 Pual PM Care Fund Dina Sum Chhunglut Zinga A Hming Lanloh Vangin Shah Rukh Khan In Sawi A Hlawh, A Fans Te Erawh In A Thlavang Hauh

Covid19 do na atan PM Narendra Modi chuan ‘PMCares Fund’ a din thu Twitter kaltlangin puanzarna a nei a, India ram milar tam tak te chuan an sum leh pai ṭhahnem tak an chhung khawm ruih ruih.

Akshay Kumar, Varun Dhawan leh Southern star lam aṭang Allu Arjun, Ram Charan leh Rajinikanth te chu Fund ah hian an che bawm hlawm hle a, an sum ṭhahnem tak an Donate a ni.

Mahsela hetih lai hian Bollywood fa chuam tia an sawi Charity ah pawh in hmang em em Shak Rukh Khan chu Donation chhunglut zingah a hming a lang ta tlat lo mai a, Social Media ah troll nasa tak dawngin an kap nasa hle.

Hetih lai hian a fans te chuan Shak Rukh Khan thlavang hi an hauh tlat thung. A fans te chuan hriat loh lam aṭanga che ṭhin mi a ni tih an sawi a, 2019 a Kerala in tuilian an tawrh a relief fund te an sawichhuak hial a ni.

Charity lama a hming mawina avang hrim hrim pawh a tun ṭuma a hming lang lo an sawizui pawh hi a awmlo bik lo. Kum 2018 khan hmeichhia leh naupang te dikna a hnathawhna ah World Economic Forum’s Crystal Award hlan a ni a 2011 khan Charity lama a thawhhlawkna vangin UNESCO’s Pyramide con Marni award hlan a ni tawh bawk a, India a dawng hmasa ber a ni nghe nghe.

A Fans te chuan Shah Rukh Khan hian langsar taka thil tih ṭhat tarlan kher hi ṭul a tilo niin an sawi. Amah Shah Rukh Khan ngei pawh hian Charity lama a hnathawh te hi thawm neilo thei ang bera tih a duh thu leh a sawi duh vak loh thu a sawi tawh. A lang a mawi a mi fak rawn leh chawimawi luai luai ai chuan a chhungrila a tumna leh a duhna chuan a inhneh tir zawk. Fans chuan a pual in #StopNegativityAgainstSRK tiin Hashtag an siam sak.

Deccanherald