Mizo Elite News hi ṭha i tihzawng a nih chuan min lo Follow dawn nia

Covid19 Hrileng Vangin A Nupui Chu Tlawhpawh Phal A Nilo, A Pasal In An Inneih Kum 67 Puala Atana Thil A Tihsak Dan Chuan Rilru A Khawih

He hrileng hian mi hausa leh rethei pawh engmah a thliar hrang lo a, chutiang in chhungkua leh nupa in hmangaih em em te pawh a kan chuang lo.

Connecticut ah nupa kum upa tawh tak te chu he hri hian a ṭhen hrang a, a nupui chu tlawhpawh phal loh in khung hran a ni.

A hmeichhia zawk Nancy, 88 hian nikum December khan dementia vangin Stafford Springs a nursing home ah a lut a, a tirah chuan a pasal pawh hian a tlawh phalsak a la ni.

Mahsela khawvel hmun hrang hrang a Covid19 hri a len hnu ah chuan ni 30 chhung chu tlawhpawh phal a ni ta lo.

March 14 khan he mite nupa hian an inneih aṭang kum 67 hmel an hmu a, an inneih cham ah hian a pasal Bob Shellard, 90 hian a nupui tan hian thil a tihsak tho a. Nursing Home a a luh phal a nih loh vangin pawn lam ah chuan a nupui in a hmuh a alo chhiar theih ngei turin thu thlum tak ziak chu a keng lang va va a ni.

Bob Shellard hian Nursing Home pawn ah hian “I’ve loved you 67 years and still do. Happy Anniversary’ tih thu ziak keng in a nupui hi Anniversary Wish a hlan.

An nupa hian fa 4 lai neiin tu (grandchildren) 9 lai an nei bawk. Bob chetdan hian mitam tak a hneh hle a, 263,000 chuang like dawng in vawi 58,000 chuang share a ni tawh. Lo hmu tu te chuan hlim taka an awm dun leh theih ngei an duhsaka an beisei pui thu an hrilh a ni.