Mizo Elite News hi ṭha i tihzawng a nih chuan min lo Follow dawn nia

Covid19 Hri Thihpui An Tam Tawh Lutuk Vangin Brazil A Mangang, Mipui In An President Bang Turin An Phut

Covid hri chuan hmun tin kil tang a hrut hneh hle tawh a, hri in a chiahpiah lohna tak tak hmun him a awm tawh meuh lo a ni.

Brazil ram chu hri tuarna ber ram zingah an tang a, an hruaitu President Jair Bolsonaro hian he hri leng mek hi hlau lo leh inkhuahkhirh tha tawk tak zam loh vangin Covid vanga mitthi pawh an tam lutuk. Mipui an mangang tan a, an President chu a hna hlen tawk lo ah an puh ta hial.

Kar hmasa Inrinni liam ta khan Anti-government protesters ten an President paihthlak ngiat in kawng an zawh. Rio de Janeiro ah mi sangchuang an pungkhawm a, an ram Flag vai chung leh Poster kengin ‘Get out Bolsonaro. Government of hunger and unemployment.’ tiin au hla an nei.

President Jair Bolsonaro chu an ram a Covid vanga thi tam lutuk a mawhphurh tu niin an ngai a, a kaihhruaina hnuai chu t(r)am leh hnathawh tur awm lohna a ni tiin a dinhmun chhuahsan zawk turin an ti a ni.

Poster an kenchhuah thenkhat ah chuan “500 thousand te thihchhan hi, i thiam loh vek a ni” ti te in President tan a hmuh hrehawm khawp in a inziak lang kulh. Mitthi hi 500,000 zet an tling tawh. Health Ministry data atang a landan in Brazil ramah hian 11% chauh in Vaccine an dawng tawh. A bak 29% ten first dose chiah an la dawng.

Brazil a mihring cheng zat hi maktaduai 213 vel ang a tarlan a ni a, nikhat ah kai thar 100,000 new infections leh mitthi 2,000 te an awm.