Mizo Elite News hi ṭha i tihzawng a nih chuan min lo Follow dawn nia

Covid19 Hri Thar A Hma Aia 70% Vela Inkai Awlsam Zawkin India Ram A Rawn Thleng, UK Atanga Lo Kir Chhuizui Theih Loh An Awm Nual

Covid19 vangin kumin zet chu khawvel a buai mup mup a, ram hrang hrang ten Covid19 hri danna leh a venna ngaihtuahin an phe buai nasa bawk. Hetih lai mek hian hri thar in khawvel hmun thenkhat a luh chilh leh mek.

Covid19 hri thar Mutant COVID Strain chu United Kingdom ah hmuhchhuah leh a ni a, he hri thar avang hian Britain lam chu nasa takin an buai a, ram hrang hrang ten hri thar hi a pherh lohna turin inkharkhipna an kalpui nghal rum rum phah.

Hetia in ral rinna dar khawn a nih lai hian ram hrang hrang ah a darh tan leh mek a, India ram ngei ah pawh a lut leh tawh. Tuna hri thar buaipui mek hi a hma mi ai khan 70% zetin inkai a awlsam zawk tih mithiam ten an sawi.

India ram ah hri thar hi mi 6 in an vei tih hriat a ni a, an vai hian UK atang kir te an ni. Report in a tarlan danin hrivei te hi “single room isolation” ah dah an nia, mi 3 hi NIMHANS, Bengaluru a hmuhchhuah, mi 2 hi Cellular & Molecular Biology, Hyderabad a Centre leh pakhat hi National Institute of Virology, Pune ah te hmuh an ni, an hnaih vaih ah contact tracing kalpuiin quarantine zel an ni.

India ah November 25 leh December 23 inkar khan 33,000 passengers an awm a,hmun thenkhat ah UK atanga let te hi chhui zui theih loh an awm nual. Telangana ah UK atanga kir 279 passengers vel te chhuizui theih an nilo a,Telangana Police te chuan UK atanga India a let zinga mi 184 te chuan phone number leh address dik lo an hnuchhiah tih an sawi.

Jaipur ah mi 20 te chu chhuizui theih lohin an awm bawk a, chutiang bawk in Odisha ah pawh mi 60 vel hetiang tho hian an awm. Hri thar hian India ram hi nasa taka tuamin a pherh leh hle lo ang tih pawh sawi theih a ni leh ta lo.

IT