Mizo Elite News hi ṭha i tihzawng a nih chuan min lo Follow dawn nia

Covid19 Hri Leng Nghawng Nat Ah India In Brazil A Lehpel, Nikhat Ah Hrikai Nuai 1 Aia Tam Awm

Hmasawnna duhawm lo tak thil a thleng. India ram chu hripui Covid19 tuar nat lam ah Brazil a lehpel a, nikhat chhung ringawt in hri kai thar mi nuai khat chuang an awm.

Thawhtanni a health ministry data atang a landan in darkar 24 liamta chhung khan mi 1,68,912 zet in hri hi an vei tih hriat a ni a, Brazil chu lehpel in khawvel ah pahnihna ah a awm.

India a Covid Case awm tawh zat hi 13.53 million a ni a, Brazil ram 13.45 million a ni thung. United State hi Case ngah ah a ber an la ni a, 31.2 million case an nei.

Mitthi ah erawh darkar 24 chhungin 904 record a ni. Hri avanga India rama thi tawh zat hi 1,70,179 in an tarlang.India’s active Covid-19 cases 70.82 per cent zet hi Maharashtra, Chhattisgarh, Karnataka, Uttar Pradesh leh Kerala a mite an ni bawk. State ang zawng in Maharashtra in an tuarna ber.

India Today in a tarlan danin Pathianni khan Delhi bikah hri kaithar 10,774 an hmuchhuak. Boruak a zia awm viau tawh dawn emaw tiin nunphung pangngaia kan hmanchhoh leh dawn lai mek in second wave a rawn thawk leh hian ram hruaitu te lu pawh a ti hai chho leh tak zet tawh.Mipui te pawh hrileng lakah theihtawp in i fimkhur thar leh theuh hlawm ang u.