Mizo Elite News hi ṭha i tihzawng a nih chuan min lo Follow dawn nia

Covid19 Hri Kai Enkawl Tu Doctor Chu A Chhungte Him Nan An Garage Ah Puan In Kaihin A Khawsa, “Kei Leh Health Worker Dang Te Un-Homeless A Min Puih Theih Dan Tur Chu In Lama Tawm Him”

A dik chiah a ni. Covid19 vang hian damdawi lam thiam an thawk ngawrh in an rim tlang hlawm. A ṭhen in an thihpui a, chhungte kianga awm thei lo in an nun hlauhawm taka dah chungin an phi buai mek zel a ni.

Doctor pakhat Timmy Cheng hi California ah Covid19 vanga damlo a enkawl a, hri kai te a sawngbawl vang hian a chhungte chu nun derthawng takah a dah theih avangin “tihdam aiin in ven a ṭha zawk” tih rilru a pu a, a chhungkaw him nan pawn ah a khawsa.

Pawna an garage ah puan in (tent) kaih in a cheng a ni. Facebook leh Social Media dang ah a nun hmandan kaltlang in midang hnen ah awareness a nei zui nghal.

March 14 aṭang khan chenna in neilo angin pawn ah hian a khawsa tih a sawi a, puan in a kaih hma in car ah zan 1 leh hospital call room ah zan 4 lai chu a lo riak tawh a ni.

A ni 5 na ah hian a nupui chuan remchang a zawnpui a, hospital leh car a khawsak ai chuan an hnaih ah garage a cheng tur hian alo hrilh. A nupui leh fate nen hian engchen nge an inṭhen rih dawn a la hriat loh bawk.

Amah hi Irvine a UCI Medical Center ah pulmonary and critical care specialist a ni. Cheng hian tuna a awmdan anga damdawi lam thiam an awm ve nual a rin thu a sawi. Thawktu te chu khawngaih turin a sawm a “Kei leh health worker dangte un-homeless tur a min puih theih dan chu in lama tawm him a ni” a ti.

ER